ການ​ທົດ​ລອງ 3 ສ້າງ ຢູ່​​ເມືອງ​ໄກສອນ​ພົມວິຫານ ມີ​ຫລາຍ​ອັນ​ພົ້ນ​ເດັ່ນ

* ໃນ​ການສ້າງ​ເມືອງ​ເປັນ​ຫົວ ໜ່ວຍ​ເຂັ້ມ​ແຂງ​ຮອບດ້ານ, ສ້າງ​ບ້ານ​ເປັນ​ຫົວໜ່ວຍ​ພັດທະນາຂອງ​ເມືອງ​ໄກສອນ​ພົມວິຫານ ​ແຂວງສະຫວັນນະເຂດ 1 ​ປີຜ່ານມາ ​ເຫັນ​ວ່າ​ມີ​ຫລາຍວຽກພົ້ນ​​ເດັ່ນ​ ດັ່ງ​ທ່ານ​ນາງ ວິລະ​ວັນ ລຽບ​ວິ​ໄຊ​ນະວັງ ​ໄດ້​ແຈ້ງ​ໃຫ້​ຮູ້​ໃນ​ວັນ​ທີ 4 ພະຈິກ 2013 ​ ໃນໂອກາດ​ສະຫລຸບ​ຕີລາຄາ​ ການຈັດ​ຕັ້ງ​ ປະຕິບັດ​ວຽກ​ງານ​ດັ່ງກ່າວ​ຢູ່​ຫ້ອງ​ວ່າການ​ເມືອງ ໂດຍ ​​ທ່ານ ດຣ. ສຸພັນ ​ແກ້ວ​ມີ​ໄຊ ​ເລຂາ​ພັກ​ແຂວງ, ເຈົ້າ​ແຂວງ​ສະຫວັນ​ນະ​ເຂດ ເຂົ້າຮ່ວມວ່າ: ເມືອງຂອງຕົນ ​ໄດ້​ຈັດ​ຕັ້ງ​ຜັນ​ຂະຫຍາຍ​ມະຕິ 9 ຂອງ​ພັກ, ມະຕິ 7 ​ອົງຄະ​ນະ​ພັກ​ແຂວງ ແລະ ມະຕິ 6 ຂອງ​ອົງຄະ​ນະ​ພັກ​ເມືອງ ໂດຍ​ຕິດ​ພັນ​ກັບ​ການ​ສ້າງ​ເມືອງ​ເປັນ​ຫົວໜ່ວຍ​ ເຂັ້ມແຂງຮອບດ້ານ ​ແລະ​ ສ້າງ​ບ້ານ​​ເປັນ​ຫົວໜ່ວຍ​ພັດທະນາຕາມ​ມະຕິ 3 ຂອງ​ກົມ​ການ​ເມືອງ​ສູນ​ກາງ​ພັກວາງ​ອອກ ​ເຊິ່ງ​ 1 ປີຜ່ານມາ, ທັງຄະນະຮັບຜິດຊອບ 4 ກຸ່ມ​ວຽກ ​ໄດ້ປະຕິບັດ 3 ບາດກ້າວ ​ຄື ບາດກ້າວ​ກະກຽມ, ບາດກ້າວ​ຈັດ​ຕັ້ງ​ປະຕິບັດ ໂ​ຕ​ຈິງ ​ແລະ​ ບາດກ້າວ​ສະຫລຸບ​ຖອດ​ຖອນ​ບົດຮຽນ. ຂະນະດຽວກັນກໍໄດ້ສົ່ງ​ພະ ນັກງານ​ການ​ນຳ​ຂອງ​ເມືອງປະຈຳ​ຢູ່​ 3 ບ້ານ​ທົດ​ລອງ​ ຄື ບ້ານ​ຊອກ, ບ້ານ​ໂພນ​ສິມ ​ແລະ​ ບ້ານ​ຜັກ​ຂະ ​ລວມທັງສົ່ງ​ພະນັກງານ​ລົງ​ປະຈຳກວ່າ​ 170 ຄົນ, ຍິງ 57 ຄົນ ໂດຍ​ເລັ່ງ​ໃສ່ 4 ກຸ່ມ ວຽກ​ຄືການ​ເມືອງ​ແນວ​ຄິດ, ພັກ-ພະ ນັກງານ,​ ປ້ອງ​ກັນຊາ​ດ-ປ້ອງ​ກັນ​ຄວາມສະຫງົບ, ​ເສດຖະກິດ ​ແລະ​​ວັດທະນະທຳ-ສັງຄົມ ແລະ ກໍຈັດ​ຕັ້ງ​ປະຕິບັດໄປພ້ອມໆກັນ ເປັນຕົ້ນໄດ້ ເຜີຍແຜ່ມະຕິ, ຄຳ​ສັ່ງ, ລະບຽບ​ການ​ໃຫ້​ອຳນາດ​ການ​ປົກຄອງ​ ກໍຄື​ ພໍ່​ແມ່​ປະຊາຊົນ​ໄດ້​ຮັບ​ຮູ້ ​ແລະ​ ເຂົ້າ​ໃຈ.
ທ່ານ​ນາງ ວິລະ​ວັນ ກ່າວຕື່ມ​ວ່າ: ຢູ 3 ບ້ານ​ທົດ​ລອງ​ 3 ສ້າງ ມີ​ພົນລະ​ເມືອງ​ກວ່າ 12 ພັນຄົນ, ກວ່າ 2 ພັນ  ຄອບຄົວ 2.161 ຫລັງຄາ​ເຮືອນ, ມີ 139 ໜ່ວຍ ໂດຍປະຊາຊົນກວມ 92% ​ເຮັດ​ນາເປັນອາຊີບຕົ້ນຕໍ. ຂະນະດຽວກັນກໍໄດ້ປູກ​ພືດ​ສຳຮອງ,​ ບໍລິການ​ຄ້າຂາຍ ແລະ ອາຊີບສຳຮອງ ອື່ນໆຈຳນວນໜ່ຶງ. ນອກນີ້ ກໍມີຖື້ນຖານໂຄງ ​ລ່າງກະສິກຳ ໂດຍສະເພາະ​ຊົນລະປະທານ​​ໃຫຍ່-ນ້ອຍ ​ທີ່ສາມາດສະໜອງ ນ້ຳໃຫ້ແກ່ຊາວນາຜະລິດເຂົ້າ​ນາປີ-ນາ​ແຊງ ລວມທັງມີ​ເສັ້ນທາງ ​ແໜ້ນໜາ ຖາວອນ. ນອກນີ້ ກໍໄດ້​ຊຸກຍູ້​ສົ່ງ​ເສີມ ການຜະລິດກະສິກຳ ​ໂດຍໄດ້​ແບ່ງ​ເປັນ​ 7 ຈຸ​ງານ, 25 ກຸ່ມ​ການ​ຜະລິດ.ທີ່ສຳຄັນ​ກະສິກອນ​ສາມາດຮຽນຮູ້​ ແລະ ນຳໃຊ້ເຕັກນິກວິທະຍາສາດ ທີ່ທັນສະໄໝເຂົ້າສູ່ການປູກ,ການລ້ຽງສັດ ອັນ​ເຮັດ​ໃຫ້​ປະຊາຊົນ​ມີຊີວິດການ ເປັນຢູ່ນັບມື້ດີຂຶ້​ນ ທັງສາມາດສ້າງ ໄດ້ຄອບຄົວໂ​ຕ​ແບບ ຜະລິດເປັນສິນຄ້າ​ຫລາຍ​ຄອບຄົວ. ອັນພົ້ນເດັ່ນຄືຢູ່ບ້ານ​ຜັກ​ຂະ​ໄດ້​​ປັບປຸງ​ອົງການ​ຈັດ​ຕັ້ງ​ຂັ້ນ​ບ້ານ​ຢ່າງ​ເປັນ​ລະບົບ​ຄົບ​ຊຸດ ອັນສາ ມາດສ້າງຄວາມ​ເຂັ້ມ​ແຂງ​ໃນ ການ ​ບໍລິຫານ, ສ່ວນ​ບ້ານ​ຊອກ ​ໄດ້​ພັດ ທະນາ​ພື້ນຖານ​ໂຄງລ່າງຢ່າງ​ເປັນ​ລະບົບເຊັ່ນ: ເສັ້ນທາງ​ໃນ​ບ້ານ ​ແລະ​ ຕະຫລາດ​ແລກປ່ຽນ​ສິນຄ້າ ​ແລະ​ບ້ານ​ໂພນ​ສິມ ປະຊາຊົນໄດ້ສຸມໃສ່​ຜະ ລິດ​​ເປັນ​ສິນຄ້າຫລາຍຂຶ້ນອັນ ເຮັດ ໃຫ້ປະຊາຊົນ​​ມີ​ລາຍ​ຮັບ​ຫລາຍ ຂຶ້ນ.
​ແນວໃດກໍດີ, ທ່ານ ດຣ. ສຸພັນ ​ແກ້ວ​ມີ​ໄຊ ​ເຈົ້າ​ແຂວງ​ສະຫວັນ​ນະ​ເຂດໄດ້​ຮຽກຮ້ອງ​ໃຫ້​ເອົາ​ໃຈ​ໃສ່​ຫັນ​ເອົາ​​ແນວທາງ, ມະຕິ​ຄຳ​ສັ່ງ​​ລົງ​ເຜີຍ​ແຜ່ນັບ​ແຕ່​​ຂັ້ນ​ເມືອງ, ບ້ານລົງ​ຮອດ​ຄອບຄົວ​ເພື່ອເຊື່ອມ​ຊຶມ ​ແລະ ​ເຂົ້າ​ໃຈ, ການ​ຈັດ​ຕັ້ງ​ທຸກ​ພາກສ່ວນໃຫ້​ເອົາ​ໃຈ​ໃສ່ຂຸດຄົ້ນ​ທ່າ​ແຮງ​ຂອງ​ເມືອງ ເພື່ອ​ສ້າງ​ເມືອງ​ໄກສອນ​ພົມວິຫານ​ ໃຫ້​ກາຍ ​ເປັນ​ນະຄອນ​ໃນ​ຕໍ່ໜ້າບົນພື້ນຖານການ​ເອົາ​ໃຈ​ໃສ່​ຜັນ​ຂະຫຍາຍ​ທິດ​ທາງ​ແຜນ ການ​ພ້ອມ​ທັງ​ຊອກ​ວິທີ​ແກ້​ໄຂ​ບັນຫາ​ຄົງ​ຄ້າງ​ໃຫ້​ໝົດ​ໄປ.

About NHOUYVANISVONG

Vice président d'ULF de 2009-2015 ;occupe journal et internet SièngSamPhanh ;Médecin Assistant du Laos(promotion 1971,Trop-Med faculté de Med-Mahidool Université Bangkok 1974 et IDE classe supérieur de France depuis 1979-2015 AP-HP)
This entry was posted in Journal SièngSamphanh (les lao à étranger), Nouvelles du Laos en lao (documents en lao). Bookmark the permalink.

Comments are closed.