ເມືອງໄຊເຊດຖາ ແຂວງອັດຕະປື ສຸມໃສ່ປະຕິບັດວຽກງານສາມສ້າງ

* ປັດຈຸບັນ, ທຸກແຂວງໃນທົ່ວປະເທດ ພວມສຸມໃສ່ເຮັດທົດລອງວຽກ 3 ສ້າງ ເພື່ອບັນລຸການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ IX ຂອງພັກ ໃຫ້ສຳ ເລັດຜົນກໍຄືການພັດທະນາຊົນນະບົດຮອບດ້ານ ແລະ ລຶບລ້າງຄວາມທຸກຍາກຂອງປະຊາຊົນບັນດາເຜົ່າ ເຊິ່ງໃນການປະຕິບັດຄຳສັ່ງແນະນຳເລກທີ 03/ກມສພ ກ່ຽວກັບການສ້າງແຂວງ ເປັນຫົວໜ່ວຍຍຸດທະສາດ, ເມືອງເປັນຫົວໜ່ວຍເຂັ້ມແຂງຮອບດ້ານ ແລະ ສ້າງບ້ານເປັນຫົວໜ່ວຍພັດທະນານັ້ນ, ເຈົ້າເມືອງໆໄຊເຊດ ຖາ ແຂວງອັດຕະປື ກ່າວວ່າ: ປະຕິບັດຕາມມະຕິຕົກ ລົງເລກທີ 209 ຂອງຄະນະປະຈຳພັກ ແຂວງຂອງຕົນວ່າດ້ວຍການສ້າງ ເມືອງເປັນຫົວໜ່ວຍເຂັ້ມແຂງ ຮອບດ້ານນັ້ນ, ມາຮອດປັດຈຸບັນ ມີຫລາຍໂຄງການຢູ່ບ້ານເປົ້າໝາຍ 3 ສ້າງ ໄດ້ຈັດຕັ້ງປະຕິບັດຢ່າງຕັ້ງໜ້າ ໂດຍເມືອງຂອງຕົນໄດ້ກຳນົດເອົາບ້ານວັດຫລວງ ແລະ ບ້ານສະແຄະ ເຊິ່ງຜ່ານການປະຕິບັດໂຄງການຕ່າງໆນັ້ນໄດ້ເຮັດໃຫ້ປະຊາຊົນ 2 ບ້ານ ດັ່ງກ່າວ ກວ່າ 1.500 ຄອບຄົວ ແລະ ກວ່າ 6.400 ຄົນ, ຍິງກວ່າເຄິ່ງໜຶ່ງ ມີຊີວິດການ ເປັນຢູ່ດີຂຶ້ນຢ່າງຕໍ່ເນື່ອງ.

ທ່ານ ອຸ່ນຫລ້າ ໄຊຍະສິດ ເຈົ້າເມືອງ ໄຊເຊດຖາ ກ່າວຕື່ມວ່າ: ພາຍຫລັງແຂວງໄດ້ອອກມະຕິແຕ່ງຕັ້ງເຮັດວຽກງານດັ່ງກ່າວ, ພະນັກງານວິຊາການ ຂອງຕົນກໍ ໄດ້ລົງເກັບກຳຂໍ້ມູນ, ສ້າງແຜນເຄື່ອນໄຫວປັບປຸງ, ການຈັດຕັ້ງບ້ານ, ອອກນິຕິກຳແບ່ງຂັ້ນຄຸ້ມ ຄອງລະຫວ່າງເມືອງກັບບ້ານ, ກຳນົດຍຸດທະສາດ, ການພັດ ທະນາໂຄງການ ແລະ ກິດຈະກຳຕ່າງໆ ເຊີ່ງມາຮອດປັດຈຸບັນຫລາຍຂະແໜງການໄດ້ສຸມໃສ່ປະຕິບັດປະສົບສຳເລັດຂັ້ນພື້ນ ຖານ ເປັນຕົ້ນການລົງທຶນຂອງລັດ ໃນ 8 ໂຄງການມູນຄ່າກວ່າ 21 ຕື້ກີບນັ້ນກໍສຳເລັດແລ້ວ 6 ໂຄງການ ຄືໂຄງການບຸກເບີກກໍ່ສ້າງທາງຕັດຕາຜ້າໃຫ້ປະຊາຊົນຍົກຍ້າຍອອກຈາກເຂດມໍລະດົກ ວັດທາດ, ໂຄງການຂະຫຍາຍຕາຂ່າຍໄຟຟ້າ, ຊົດເຊີຍປະຊາຊົນບ້ານວັດທາດ, ກໍ່ສ້າງຫ້ອງນ້ຳບ້ານສະແຄະ, ຕິດຕັ້ງໂທລະໂຄ່ງຢູ່ບ້ານສະແຄະ ແລະ ບ້ານ ວັດເໜືອ, ສົ່ງເສີມການລ້ຽງສັດນ້ອຍທີ່ໄດ້ຮັບສິນເຊື່ອຈາກທະນາຄານນະໂຍບາຍ ແລະ ສຳລັບ 2 ໂຄງການທີ່ພວມປະຕິບັດນັ້ນ ກໍມີໂຄງການກໍ່ສ້າງມໍລະດົກ ບ້ານ ວັດທາດ ແລະ ກໍ່ສ້າງຫໍພຶກສາຊາດຢູ່ດົງຫໍ ເຊິ່ງທັງໝົດນີ້ ໄດ້ເຮັດໃຫ້ພື້ນຖານໂຄງລ່າງເສດຖະກິດ, ວັດທະນະທຳສັງຄົມໄດ້ຮັບການປັບປຸງພັດທະນາ, ສັງຄົມມີຄວາມ ສະຫງົບເປັນລະບຽບຮຽຮ້ອຍ ແລະ ເກີດມີໜໍ່ແໜງການຜະລິດເປັນສິນຄ້າຂອງປະຊາຊົນນັບມື້ເປັນຂະບວນການກວ້າງຂວາງ.

ຜົນຂອງການເຮັດທົດລອງ 3 ສ້າງ ຢູ່ເມືອງໄຊເຊດຖາ ຄືດັ່ງກ່າວເປັນຜົນມາຈາກໄດ້ຮັບການຊີ້ນຳ-ນຳພາ ຢ່າງໃກ້ຊິດຂອງແຂວງ, ຄວາມເປັນເຈົ້າການຂອງ ພະນັກງານວິຊາການຂະແໜງການກ່ຽວຂ້ອງ, ຍ້ອນມີນິຕິກຳຄຳສັ່ງ, ບົດແນະນຳ ແລະ ມະຕິຕ່າງໆ ເປັນບ່ອນອີງປະຕິບັດວຽກຕົວຈິງ ລວມທັງການປະສານງານ ລະຫວ່າງ ສາຍຕັ້ງສາຍຂວາງ ແລະ ການຮ່ວມໄມ້ຮ່ວມມືຂອງອຳນາດການປົກຄອງບ້ານ 3 ສ້າງ. ແນວໃດກໍດີ, ເຈົ້າເມືອງ ຍັງຊີ້ໃຫ້ເຫັນ​​ສິ່ງ​ທ້າ​ທາຍ ​ແລະ​ ກີດ​ຂວາງ​ການ​ເຮັດ​ທົດ​ລອງ 3 ສ້າງຢູ່ ເມືອງຂອງຕົນເປັນຕົ້ນການກະກຽມ ເຮັດທົດລອງສ່ວນຫລາຍເລັ່ງໃສ່ແຕ່ ການລົງທຶນ, ຫັນເປັນໂຄງການເທົ່າ ນັ້ນ, ການຕີລາຄາຊັ່ງຊາລັກສະນະ ຮອບດ້ານຕາມ 4 ເນື້ອໃນ 4 ຄາດໝາຍ ຍັງບໍ່ທັນສະແດງອອກຢ່າງຈະແຈ້ງ; ການແບ່ງຂັ້ນຄຸ້ມຄອງ ລະຫວ່າງ ແຂວງ, ເມືອງ ແລະ ບ້ານຍັງມີບາງພະແນກ ແລະ ບາງຫ້ອງການເຮັດແບບ ລວມໆ ແລະ ບາງຂະແໜງການກໍຮອດແຕ່ຂັ້ນເມືອງ, ສ່ວນຂັ້ນບ້ານບໍ່ມີເລີຍ. ເພື່ອແກ້ໄຂບັນຫາ ເຫລົ່ານີ້, ຂະແໜງການຕ່າງໆຂອງເມືອງ ຕ້ອງໄດ້ປະສານສົມທົບກັບບ້ານ, ຫັນເອົາມະຕິ, ຄຳສັ່ງ, ລະບຽບການສາຍຕັ້ງຂອງຕົນ, ກຳນົດທີ່ຕັ້ງພາລະບົດບາດ ແລະ ໜ້າທີ່ຂອງ ຂັ້ນເມືອງ, ບ້ານ, ແບ່ງຄວາມຮັບຜິດຊອບຂັ້ນຄຸ້ມຄອງໃຫ້ຈະແຈ້ງ; ຂັ້ນເມືອງ ແລະ ບ້ານເລັ່ງໃສ່ປັບປຸງກົງຈັກການຈັດຕັ້ງ ແລະ ປະກອບ ບຸກຄະລາກອນ ຕາມຕຳແໜ່ງງານທີ່ເໝາະສົມ ກຳນົດພະນັກງານນຳພາ, ພະນັກງານຄຸ້ມຄອງ ແລະ ວິຊາການໃຫ້ພຽງພໍ ໂດຍເລັ່ງໃສ່ສ້າງພະນັກງານກັບທີ່, ສ້າງບຸກຄະລາ ກອນຂັ້ນບ້ານ ເພື່ອຮອງຮັບບາດກ້າວໄປສູ່ຄວາມເຂັ້ມແຂງຮອບ ດ້ານທັງສູ້ຊົນຜັນຂະຫຍາຍຍຸດທະສາດດັ່ງກ່າວ ເປັນແຜນການ, ໂຄງການ, ກິດຈະກຳລະອຽດ ຢູ່ເມືອງ ແລະ ບ້ານທົດລອງ 3 ສ້າງໃຫ້ປາກົດຜົນເປັນຈິງ.

About NHOUYVANISVONG

Vice président d'ULF de 2009-2015 ;occupe journal et internet SièngSamPhanh ;Médecin Assistant du Laos(promotion 1971,Trop-Med faculté de Med-Mahidool Université Bangkok 1974 et IDE classe supérieur de France depuis 1979-2015 AP-HP)
This entry was posted in Journal SièngSamphanh (les lao à étranger), Nouvelles du Laos en lao (documents en lao). Bookmark the permalink.

Comments are closed.