ກະຊວງ​ແຜນການ ແລະ ການ​ລົງທຶນ​ຍົກ​ລະດັບ​ການ ​ ປະຕິບັດ​ວຽກ​ງານ ແລະ ລະບຽບ​ການ​ໃຫ້ລັດຖະກອນ​ໃໝ່

ຂ່າວພາຍໃນປະເທດ

ຂປລ. ກະຊວງ​ແຜນການ ແລະ ການ​ລົງທຶນ​ຈັດພິທີ​ໄຂ​ຊຸດ​ຝຶກ​ອົບຮົມ​ໃຫ້​ພະນັກງານ​ລັດຖະກອນ​ໃໝ່ຈຳນວນ 120 ຄົນ, ຍິງ 48 ຄົນ ຊຸດ​ທີ່ I ​ເພື່ອ​ໃຫ້​ພະນັກງານ​ລັດຖະກອນ​ໄດ້​ມີ​ຄວາມ​ຮູ້, ຄວາມ​ສາມາດ, ມີ​ສະຕິໃນ​ການ​ຝຶກ​ຝົນ​ຫລໍ່​ຫລອມ ​ແລະ ຍົກ​ລະດັບ​ຄວາມ​ຮັບຜິດຊອບ​ໃນ​ຂົງ​ເຂດ​ການ​ປົກຄອງ ​ແລະ ຄຸ້ມ​ຄອງລັດຖະກອນ​ຢ່າງ​ເປັນ​ປະ​ຈຳ​ຊຶ່ງ​ຊຸດ​ຝຶກ​ອົບຮົມ​ໄດ້​ຈັດ​ຂຶ້ນແຕ່​ວັນ​ທີ 27-31 ພຶດສະພາ 2013 ນີ້ຢູ່​ທີ່​ກະຊວງ​ດັ່ງກ່າວ ​ໂດຍ​ການເປັນ​ປະທານ​ຂອງ​ທ່ານ ດຣ. ບຸນ​ທະວີ ສີ​ສຸພັນ​ທອງ, ຄະນະ​ປະ​ຈຳ​ພັກ, ລັດຖະມົນຕີ​ຊ່ວຍ​ວ່າການ​ກະຊວງ​ແຜນການ ແລະ ການ​ລົງທຶນ, ມີ​ບັນດາ​ຫົວໜ້າ​ກົມ, ຮອງ​ກົມ ​ແລະ ພະນັກງານ​ຈຳນວນ​ໜຶ່ງ​ເຂົ້າ​ຮ່ວມ.

ທ່ານ ດຣ. ບຸນ​ທະວີ ສີ​ສຸພັນ​ທອງ ​ໄດ້​ກ່າວ​ວ່າ: ການ​ຈັດ​ຊຸດອົບຮົມ​ໃຫ້​ລັດຖະກອນ​ໃໝ່​ນີ້ ​ເປັນ​ວຽກ​ໜຶ່ງ​ທີ່ມີ​ຄວາມ​ໝາຍ​ຄວາມ​ສຳຄັນ​ຫລາຍ ​ແລະ ​ເປັນ​ວຽກ​ບູລິ​ມະ​ສິດ​ຂອງ​ລັດຖະບານ​ທີ່​ຕ້ອງ​ໄດ້​ຈັດຕັ້ງ​ເປັນ​ລະບົບ ​ແລະ ຕໍ່​ເນື່ອງ​ໂດຍ​ສະ​ເພາະ​ແມ່ນ​ດ້ານ​ການ​ກໍ່ສ້າງ ​ແລະ ບຳລຸງ​ຍົກ​ລະດັບພະນັກງານ​ລັດຖະກອນ​ໃຫ້​ມີ​ຄວາມ​ໜັກ​ແໜ້ນ​ທາງ​ດ້ານ​ການ​ເມືອງ, ມີ​ຄຸນສົມບັດ​ປະຕິວັດ, ມີ​ຈັນຍາບັນ, ມີ​ຄວາມ​ຮູ້​ຄວາມ​ສາມາດ​ຕ່າງໆ​ທີ່​ສົມ​ຄູ່​ກັບ​ມາດຖານ​ຂອງ​ຕຳ​ແໜ່​ງງານ​ທີ່​ຮັບຜິດຊອບ, ທັງ​ສອດຄ່ອງ​ກັບ​ເນື້ອ​ໃນ​ຈິດ​ໃຈ​ກອງ​ປະຊຸມ​ໃຫຍ່​ຂອງ​ພັກ​ໃນ​ແຕ່ລະຄັ້ງ​ໂດຍ​ສະ​ເພາະ​ແມ່ນ​ກອງ​ປະຊຸມ​ໃຫຍ່​ຄັ້ງທີ IX ຂອງ​ພັກ​ ກໍ​ໄດ້​ຢືນຢັນ ແລະ ​​ເນັ້ນ​ໜັກ​ຄືນ​ກ່ຽວ​ກັບການ​ພັດທະນາ​ບຸກຄະລາ​ກອນ, ຊຶ່ງ​ໄດ້​ກຳນົດ​ຢູ່​ໃນ​ບາດກ້າວ​ບຸກທະລຸ​ທີ 2 ຄື: ບຸກທະລຸ​ດ້ານ​ຊັບພະ​ບາກ​ອນມະນຸດ ​ແລະ ສອດຄ່ອງ​ກັບ​ຍຸດ​ທະ​ສາດ​ການ​ຄຸ້ມ​ຄອງ​ລັດຖະກອນ​ຮອດ​ປີ 2020 ເພື່ອ​ຈະ​ບັນລຸ​ຈຸດໝາຍ​ດັ່ງກ່າວ​, ບັນດາ​ລັດຖະກອນ​ໃໝ່​ຕ້ອງ​ໄດ້​ຮຽນ​ຮູ້​ລະບຽບ​ການ​ຕ່າງ​ໆ​ເປັນຕົ້ນ​ແມ່ນ ການ​ເຊີດ​ຊູ​ນ້ຳ​ໃຈ​ຮັກ​ຊາດ ຄວາມ​ສາມັກຄີ​ເປັນ​ປຶກ​ແຜນ​ທົ່ວ​ປວງ​ຊົນ, ຄວາມ​ຮູ້​ພື້ນຖານ​ກ່ຽວ​ກັບ​ການ​ຄຸ້ມ​ຄອງ​ລັດຖະກອນ​ແຫ່ງ ສປປ.ລາວ, ຄວາມ​ຮູ້​ພື້ນຖານ​ທີ່​ກັບ​ຈັນ​ຍາ​ບັນ​ຂອງ​ລັດຖະກອນ, ​ເອກະສານ​ທາງ​ລັດຖະການ​ຂອງ​ສປປ.ລາວ, ການ​ສົ່ງ​ເສີມ​ບົດບາດ​ຍິງ​-ຊາຍ, ຄວາມ​ຮູ້​ພື້ນຖານ​ທີ່​ກ່ຽວ​ກັບ​ການ​ບໍລິຫານ​ລັດ​ຂອງ ສປປ.ລາວ ການ​ບໍລິຫານ​ຫ້ອງການ, ​ເລຂານຸການ ແລະ ການ​ສຳ​ເນົາ​ເອກະສານ, ການ​ເຮັດ​ວຽກ​ເປັນ​ໝູ່​ຄະນະ, ທິມງານ ແລະ ພິທີການ- ມາລະຍາດ​ທາງ​ສັງຄົມ ນອກ​ນີ້ຍັງ​ຈະ​ໄດ້​ຮຽນ​ກ່ຽວ​ກັບ​ພາລະ​ບົດບາດ ​ແລະ ການ​ເຄື່ອນ​ໄຫວ​ຂອງ​ກະຊວງ​ແຜນການ​ຕື່ມ​ອີກ./.

About NHOUYVANISVONG

Vice président d'ULF de 2009-2015 ;occupe journal et internet SièngSamPhanh ;Médecin Assistant du Laos(promotion 1971,Trop-Med faculté de Med-Mahidool Université Bangkok 1974 et IDE classe supérieur de France depuis 1979-2015 AP-HP)
This entry was posted in Journal SièngSamphanh (les lao à étranger), Nouvelles du Laos en lao (documents en lao). Bookmark the permalink.

Comments are closed.