Union des Lao en France ( Journal Sieng Samphanh )

L'ULF est une association qui a pour vocation de grouper les familles lao résidant en France. Elle a pour but de créer et renforcer les liens d'amitié entre les lao vivant à l'extérieur de leur pays d'origine, de les aider à s'intégrer dans le pays d'adoption tout en gardant un contact étroit et permanent avec leur famille, leurs amis vivant au Laos.

ມະ​ຫາ​ວິທະຍາ​ໄລ​​ເຊ​ອູນ​ຊ່ວຍ​ທຶນ​ການ​ສຶກສາ 15 ທຶນ

Posted on | décembre 28, 2011 | No Comments

ຂ່າວພາຍໃນປະເທດ

ມະ​ຫາ​ວິທະຍາ​ໄລ​​ເຊ​ອູນ​ຊ່ວຍ​ທຶນ​ການ​ສຶກສາ 15 ທຶນ

*(ຂປລ): ມູນ​ນິທິ​ມະຫາວິທະຍາ​ໄລ​ແຫ່ງ​ຊາດ ​ເຊ​ອູ​ນ-ລາວ ​ແລະ ຄຣີນິກທັນ​ຕະກຳ​ສາກົນ ຮາ​ຟາ​ເອວ​ ແຫ່ງ ສ.​ເກົາຫລີ​ ໄດ້​ມອບ​ທຶນ​ຊຸກຍູ້​ການ​ສຶກສາ​ໃຫ້​ນັກ ​ສຶກສາ​ຜູ້​ທີ່​ຮຽນ​ເກັ່ງ​ ຈຳນວນ 15 ທຶນ ມູນ​ຄ່າ 2.000 ​ໂດ​ລາ​ສະ ຫະລັດ ​ແລະ ​ໄດ້​ມອບ​ປຶ້ມ​ຕຳລາ​ຮຽນ​ຈຳນວນ 41 ຫົວ ​ມູນ​ຄ່າ 4.000 ກວ່າ​ໂດ​ລາ​ສະຫະລັດ ​ໃຫ້​ແກ່​ມະຫາວິທະຍາ​ໄລ ​ວິທະຍາສາດ-ສຸຂະພາບ (ມ.ວ.ສ) ​ໃນ​ວັນ​ທີ 27 ທັນວາ 2011 ທ​ີ່ມະຫາວິທະຍາ​ໄລ​ວິທະຍາສາດ-ສຸຂະພາບ ຊຶ່ງ​ເປັນ​ກຽດ​ມອບ-ຮັບ​ ລະຫວ່າງ ທ່ານ ດຣ. ສົມ​ຈິດ ບຸບຜາ, ຮັກສາ​ການ​ອະທິການ​ບໍດີ ມະຫາວິທະຍາ​ໄລ​ວິທະຍາ ສາດ-ສຸຂະພາບ ​ແລະ ທ່ານ ສຈ. ດຣ. ຈອງ​ຊູ​ກິມ, ປະທານ​ກອງ​ທຶນ ມະຫາວິທະຍາ​ໄລ​ແຫ່ງ​ຊາດ​ ເຊ​ອູ​ນ-ລາວ ​ແລະ ຄຣີນິກທັນ​ຕະ​ກຳ​ສາກົນ ​ຮາ​ຟາ​ເອວ ​ແຫ່ງ ສ.​ເກົາຫລີ.

ການ​ສະໜັບ​ສະ​ໜູນ​ທຶນ​ການ​ສຶກສາ​ຄັ້ງ​ນີ້​ ແມ່ນ​​ຈະ​ໄດ້​ມອບ​ໃຫ້​ນັກ​ສຶກສາ​ ທີ່​ສັງກັດ​ຢູ່​ມະ​ຫາວິທະຍາ​ໄລ​ວິທະຍາສາດ-ສຸຂະພາບ ສຳລັບ​ຜູ້​ທີ່​ຮຽນ​ດີ-ຮຽນ​ເກັ່ງ​ ໃນ​ຈຳນວນ 15 ຄົນ, ​ໃນ​ນັ້ນ 11 ຄົນ ​ແມ່ນ​ຈະ​ໄດ້​ມອບ​ໃຫ້​ນັກ​ສຶກສາ​ໂດຍ​ກົງ ​ແລະ 4 ທຶນ​ນັ້ນ​ ຈະ​ມອບ​ໃຫ້​ພະນັກງານ​ ເພື່ອ​ສືບ​ຕໍ່​ປັບປຸງ-ຍົກ​ລະດັບ​ຕົນ​ເອງ ສ່ວນ​ປຶ້ມ​ຕຳລາ​ຮຽນ​ນັ້ນ​ ຈະ​ໄດ້​ນຳ​ໃຊ້​ເຂົ້າ​ການ​ຮຽນ-ການ​ສອນ ​ແລະ ຄົ້ນຄວ້າ​ໃຫ້​ແກ່​ນັກ​ສຶກສາ.

ທ່ານ ດຣ. ສົມ​ຈິດ ບຸບຜາ, ຮັກສາ​ການ​ອະທິການ​ບໍດີ ມະຫາວິທະຍາ​ໄລ​ວິທະຍາສາດ-ສຸຂະພາບ ​ໄດ້​ກ່າວ​ວ່າ: ການ​ຊ່ວຍ​ເຫລືອ​ຄັ້ງ​ດັ່ງກ່າວ ​ແມ່ນ​ເປັນ​ເທື່ອ​ທີ 2 ​ແລ້ວ​ ຈາກມະຫາວິທະຍາ​ໄລ​ແຫ່ງ​ຊາດ ​ເຊ​ອູ​ນ-ລາວ​​ ນີ້​ເປັນ​ການ​ປະກອບສ່ວນ​ສຳຄັນ ​ເຂົ້າໃນ​ການ​ພັດທະນາ ​ແລະ ສ້າງ​ບຸກຄະລາ​ກອນ​ຮຸ່ນ​ໃໝ່ ​ເພື່ອ​ສືບ​ ທອດ​ໃນ​ອະນາຄົດ ພ້ອມ​ດຽວ​ກັນ​ນັ້ນ​ ຍັງ​ເປັນ​ການ​ເສີມ​ສ້າງສາ​ຍພົວພັນ ​ແລະ ການ​ຮ່ວມ​ມື​ ລະຫວ່າງ ​ສອງ​ມະຫາວິທະຍາ​ໄລ​ ໃຫ້​ຄວາມ​ແໜ້​ແຟນຂຶ້ນ​ ເທື່ອ​ລະ​ກ້າວ./.

Comments

Comments are closed.

About

This is an area on your website where you can add text. This will serve as an informative location on your website, where you can talk about your site.

Subscribe to our feed

Search

Admin