ນັກກິລາ ລາວ ໄດ້ອັນດັບ 5 ​ໃນການ​ແຂ່ງຂັນ​ຍິງ​ປືນ ຊີ​ຊາ​ເກ​ມ ຄັ້ງທີ 35

ຂ່າວກິລາ

ນັກກິລາ ລາວ ໄດ້ອັນດັບ 5 ​ໃນການ​ແຂ່ງຂັນ​ຍິງ​ປືນ ຊີ​ຊາ​ເກ​ມ ຄັ້ງທີ 35

(ຂປລ) ນັກກິລາ ຍິງປືນລາວຍາດ ໄດ້ 3 ຫລຽນຄຳ , 2 ຫລຽນເງິນ , 7 ຫລຽນທອງ ລວມ: 12 ຫລຽນ ເປັນອັນດັບ 5 ໃນ ການແຂ່ງຂັນ ຍິງປືນ ຊີຊາເກມ ຄັ້ງທີ 35 ທີ່ ນະຄອນຫລວງ ວຽງຈັນ , ສ່ວນ ເຈົ້າພາບ ຄັ້ງທີ 36 ແມ່ນ ປະເທດມາເລເຊຍ .
ການແຂ່ງຂັນ ຍິງ ປືນ ຊີຊາເກມ ຄັ້ງທີ 35 ທີ່ ໄດ້ ດຳເນີນມາ ເປັນເວລາ 7 ວັນ ລະຫວ່າງ ວັນ ທີ 6-12 ກັນຍານີ້, ເຊິ່ງ ເປັນກຽດ ເຂົ້າຮ່ວມພິທີປິດ ໂດຍ ທ່ານ ພົນ ຕີ ສັນຍາຮັກ ພົມວິຫານ , ລັດຖະມົນຕີຊ່ວຍວ່າການ ກະຊວງປ້ອງກັນປະເທດ ທັງເປັນ ປະທານສະຫະພັນ ຍິງປືນ ແຫ່ງ ຊາດ , ມີບັນດາແຂກ ແລະ ນັກກິລາ ຈາກ 10 ປະເທດ ເຂົ້າຮ່ວມ , ສຳລັບ ຜົນງານຂອງນັກກິລາລາວ ແມ່ນ ໄດ້ ​3 ຫລຽນ ຄຳ , 2 ຫລຽນເງິນ , 7 ຫລຽນທອງ ລວມ 12 ຫລຽນ ເປັນອັນດັບທີ 5 ຂອງ ກຸ່ມເຊິ່ງຜົນຂອງການແຂ່ງຂັນມີດັ່ງນີ້ : ​2 ຫລຽນຄຳ ຈາກ ນາງ ຄຳຫລ້າ ໄຊຍະວົງ ປະເພດ ປືນຍາວອັດລົມ ເປົ້າເລື່ອນ 10 ແມັດ ( ບຸກຄົນຍິງ ) ແລະ ປະ ເພດ ປືນຍາວອັດລົມ ເປົ້າເລື່ອນ 10 ແມັດ ( ປະສົມ ຍິງຊ້າ – ຍິງໄວ ) ບຸກຄົນຍິງ ແລະ 1 ຫລຽນຄຳ ຈາກ ( ປະເພດຫມູ່ຄະນະຍິງ ​) ປືນຍາວອັດລົມເປົ້າເລື່ອນ 10 ແມັດ ປະກອບ ມີ : ນາງ ຄຳ ຫລ້າ ໄຊຍະວົງ , ນາງ ຫົງຄຳ ໄຊຍະລາດ ແລະ ນາງ ແສງ ແກ້ວ ມະນີເຟື້ອງ.
2 ຫລຽນ​ເງິນ ໄດ້​ຈາ​ກ ປືນສັ້ນ 25 ແມັດ​ ທີ​ມຍິງ ​ແລະ ປືນສັ້ນອັດ​ລົມ​ເປົ້າ​ເລື່ອນ​ປະສົມ 10 ແມັ​ດ ທີ​ມຍິງ ​ແລະ 7 ຫລຽນ​ທອງ ​ໄດ້​ຈາກ ປືນ​ຍາວ​ອັດ​ລົມ​ເປົ້າ​ເລື່ອນ 10 ແມັດດ່ຽວ​ຊາຍ, ປືນຍາວ​ອັດ​ລົມ​ເປົ້າ​ເລື່ອນ 10 ແມັດ ທີ​ມຊາຍ, ປືນ​ຍາວ 3 ທ່າ 50 ແມັດ ທີ​ມຍິງ, ປືນ​ຍາວ​ອັດ​ລົມ​ເປົ້າ​ເລື່ອນປະສົມ 10 ແມັດ​ທີ​ມຊາຍ, ປືນ​ຍາວ 3 ທ່າ 50 ແມັ​ດ ທີ​ມຊາຍ, ປືນ​ຍາງ​ອັດ​ລົມ​ເປົ້າ​ເລື່ອນ 10 ແມັດ ທີ​ມຍິງ ​ແລະ ປືນ​ຍາວ​ທ່ານ​ອນ 50 ແມັດ ທີ​ມຍິງ .
ໃນ​ໂອກາດ​ນີ້ ທ່ານ ພົນ​ຕີ ສັນຍາ​ຮັກ ພົມວິຫານ ໃຫ້​ກຽດ​ກ່າວ​ປິດ​ພິທີ​ວ່າ: ຜົນສຳ​ເລັດ​ໃນ​ການ​ແຂ່ງຂັນ​ກິລາ ຄັ້ງນີ້ ແມ່ນ​ເປັນ​ການ​ຢັ້ງຢືນ​ໃຫ້​ເຫັນ​ເຖິງ ຄວາມ​ ສາມາດ​ຂອງ​ນັກ​ກິລາ​ຂອງ​ບັນດາ​ປະ​ເທດ ​ໃນ​ພາກພື້ນ ທີ່​ນັບ​ມື້ນັບ​ທຽບ​ເທົ່າ​ກັບ​ລະດັບ​ສາກົນ ແລະ ການ​ແຂ່ງຂັນ ຍັງ​ໄດ້​ເປີດ​ໂອກາດ​ໃຫ້​ບັນດາ​ນັກ​ກິລາ ​ຜູ້​ເຂົ້າ​ຮ່ວມ ​ໄດ້​ຮຽນຮູ້​ບົດຮຽນ​ອັນ​ໃຫມ່ ເພື່ອ​ພັດທະນາ​ວົງ​ການ​ກິລາ​ຂອງ​ຕົນ​ໃນ​ອະນາຄົດ, ​ໃນ​ໂອ​ກາດນີ້ ຂໍ​ສະ​ແດງຄວາມ​ຂອບ​ໃຈ ມາ​ຍັງ​ສະຫະພັນ ຍິງ​ປືນ ອາຊີ ແລະ ສະຫະພັນ ຍິງ​ປືນ ອາ​ຊຽນ ທີ່​ໄດ້​ໃຫ້ການ​ສະຫນັບສະຫນູນ ຊ່ວຍ​ເຫລືອ​ໃນ​ການ​ຈັດການ​ແຂ່ງຂັນ ດ້ວຍ​ດີ​ຕະຫລອດ​ມາ ​ແລະ ຂໍ​ສະ​ແດງ​ຄວາມ​ຂອບ​ໃຈ​ ມາ​ຍັງ​ສະຫະພັນ ຍິງ​ປືນ​ຂອງ​ປະ​ເທດ​ຕ່າງໆ ທີ່​ໄດ້ເຂົ້າ​ຮ່ວມ​ໃນ​ການ​ແຂ່ງຂັນ​ດັ່ງກ່າວ, ພ້ອມ​ດຽວ​ກັນ​ກໍສະ​ແດງ ຄວາມ​ຊົມ​ເຊີຍ​ຕໍ່​ນັກ​ກິລາ​ທີ່​ໄດ້​ຫລຽນ​ລາງວັນ ​ໃນ​ແຕ່ລະ​ປະ​ເພດ ​ແລະ ບັນດາ​ນັກ​ກິລາ​ທີ່​ໄດ້​ມີ​ຄວາມ​ພະຍາ​ມຢ່າງ​ສຸດ​ຄວາມ​ສາມາດ ​ເຂົ້າ​ໃນ​ການ​ແຂ່ງຂັນ, ພິ​ເສດ ຂໍ​ສະ​ແດງ​ຄວາມ​ຂອບ​ໃຈ​ຕໍ່​ຄະນະ ຈັດການ​ແຂ່ງຂັນ ແລະ ​ເຈົ້າ​ຫນ້າ​ທີ່​ກ່ຽວຂ້ອງ​ທຸກ​ພາກສ່ວນ ທີ່​ໄດ້​ປະກອບສ່ວນ ເຮັດ​ໃຫ້​ການ​ແຂ່ງຂັນ ຊີ​ຊາ ​ເກ​ມ ຄັ້ງທີ 35 ນີ້ ສາມາດ​ດຳ​ເນີນ​ໄປ​ ດ້ວຍ​ຜົນສຳ​ເລັດ​ ຈົບງາມ.
ສຳລັບ ການ​ແຂ່ງຂັນ ຍິງ​ປືນ ຊີຊາ ຄັ້ງທີ 36 ແມ່ນ​ ປະ​ເທດ ມາ​ເລ​ເຊຍ ​ໄດ້​ຮັບ​ທຸງ​ເປັນ​ເຈົ້າພາບ

ສະຫລຸບການແຂ່ງຂັນ

ອັນ​ດັບ
ປະເທດ
ຫລຽນ​ຄຳ
ຫລຽນ​ເງິນ
ຫລຽນ​ທອງ
ລວມ
1
ຫວຽດນາມ
13
12
7
32
2
ມ​າ​ເລ​ເຊຍ
7
5
2
14
3
ໄທ
5
7
5
17
4
ສິງກະ​ໂປ
5
2
3
10
5
ລາວ
3
2
7
12
6
ໄຕ​ຫວັນ
1
1
1
3
7
ອິນ​ໂດ​ເນ​ເຊຍ
-
3
4
7
8
ຟິລິບ​ປິນ
-
2
1
3
9
ມາ​ກາວ
-
-
2
2
10
ຮົງ​ກົງ
-
-
-
-

About NHOUYVANISVONG

Vice président d'ULF de 2009-2015 ;occupe journal et internet SièngSamPhanh ;Médecin Assistant du Laos(promotion 1971,Trop-Med faculté de Med-Mahidool Université Bangkok 1974 et IDE classe supérieur de France depuis 1979-2015 AP-HP)
This entry was posted in Nouvelles du Laos en lao (documents en lao), ພະຫຍາຫຍອຍ ແລະ ຄຳກອນ ອັນອອນຊອນ ຂອງລາວ. Bookmark the permalink.

Comments are closed.